以下是台南市賴醫師和普獻長老的對話，長老以臺語自述自己的身世，及出家弘法的過程，並接掌元光寺住持至今。內文共分五段：
一、家世環境 二、剃度出家 三、軍中生活 四、隨侍長老 五、住持元光。
***本文以臺語漢字呈現，請陳世明博士校對指導，以下是陳老師的創作。***
著作：臺語漢字學、圖解講臺語其實不難等。
網路平台：陳世明老師閩南語漢字學教學平台，youtube網路平台
閩南語字典：陳世明老師閩南語字典平台。
二、剃度出家
加上我看著彼本冊了後，決定欲出家，到二十一歲之時陣，我就講欲出家，就走去台北，找我之阿姐，講我想欲出家。無啦！ 你欲出家，出鴨了，出家彼爾兒簡單喔！經欲背，阿彌陀佛經欲背，大悲咒十小咒攏欲背。我想好了，背， 叫我背，背冊我無問題，我七工攏總背起來，楞嚴咒大悲咒十小咒，阿彌陀佛經我七工攏背起來，我講姐兒，我背予你聽，喔！你有彼个善根，對啊我就想欲出家，我七工攏背起來，伊講好，我合你綽師父，就是找彼个廣元法師。無陋，結果我逐工去請教伊，伊攏教我作詩，吟詩作對，平平仄仄仄仄平， 喔安爾對，對聯是安爾對，我想講較早我讀過了，即馬無興趣；我是愛聽佛法，這個師父我毋愛，無合我之意，我講毋愛。
後來綽彼个台北臨濟寺，慧日講堂彼搭有一個印海法師，印海法師是浙江之，浙江人伊講話我聽無，彼時我足鈍，聽無！ 尾手兒我去拜訪基隆之晴虛法師，我問一寡問題，伊回答我，我無合意，我聽無合意，我講這個師父我無愛，哇！ 四界去綽師父，攏沒合，尾手挈帶我去新竹，去新竹拜訪常覺法師，伊是辦學院教冊之，伊講這個學問誠好，你看了了後安怎，我講好了，我綴伊出家好了。伊教冊，伊毋愛我，你彼爾兒懸；我彼爾兒矮，我們二人出去到底誰人是師父，嫌我懸啦我百七，伊是百五六，矮矮之，足矮，伊講你彼爾懸我彼爾矮，我們二人出去，孰是師父，孰是徒弟，沒使，安怎沒使，哇！我欲出家一關一關，這個看了沒合意，彼个沒合意，這個看了有合意，嫌汝俺太懸，死啊！出家無成。伊講我給你紹介，新加坡有一個法師來台灣，台大學院請伊來演講，我說伊去大學演講，安爾伊腹肚內有物件，伊挈帶我去臨濟寺，常覺法師帶我去，頭前三位都是阿姐挈帶之，後來這個法師挈帶我去台北，去居士彼兒，我彼時想講，只要我講話伊聽有，伊講話我聽有，我就綴伊出家，結果伊講台灣話，我聽有，我講台灣話伊也聽有，伊逐工攏無閒，我逐日捧飯乎伊食，掃土腳，閒之時陣就去掃便所，我們是在家，掃便所，寺之法會誠濟，便所一二十間，哇！逐工就是掃便所，抵花園挽(搞)草，三四點著欲扒起來買菜，踏三輪車去中央市場買菜，伊們內底有百外人，彼時人眾有百外人。
師父彼時彼爾兒少年 ，那會曉買菜 ？頭兒有人挈帶，尾手家己去，買菜，去看著一幕，真恐怖。剁豬肉，查埔查某攏有，彼个面親像落漆鬼，刀揭起來，安爾剁，哇！看了彼个心情感覺，佳哉汝俺做人；那作彘就慘了，彼个感想足陋了，逐工就是舞這兒、舞彼兒，我之師父抵台灣演講煞兒，欲轉去新加坡，我講師父啊，你什物時陣，給我剃度，你攏給我放著，你無閒，結果伊講你想欲出家，我講我有想，伊講我看你這人喔，無可靠無老實，你毋通出家，我講安怎講，伊講你這個人喔，無實在，出家也無效，後回台灣加一個經懺鬼，趕經懺死人之，誦經做經懺鬼，我給你剃度，台灣加一個經懺鬼，彼專門趕經懺，專門誦經趁死人錢，足歹聽，叫做經懺鬼。我彼時少年，予人駡經懺鬼，誠毋甘願，師父你看毋著人了，我毋是彼款人，我毋是欲趁錢，伊講你想欲創什？弘法利生啊！敢有影，我講無影我出家欲創什，你明兒早欲走啊，你放了欲走？伊講是啊，明兒早我欲轉去，你彼些物件給我款款，你叫我款，你也頭毛給我剃剃之。伊講你嗎，有想欲出家，好了啦！你去剃頭店剃剃，留一撮，中間一撮沒使剃喔，留一撮沒使剃，我即馬就去寺廟頭前有剃頭店，外省人開之，騎沒到位，內面小姐出來，就牽我之手，哇！少年來剃頭，我講你毋通給我震動，毋通給我摸，沒使給我摸。老闆講少年！我們小姐給你牽手，你是安怎，你沒使給我摸 ，我講你給我剃，老闆講你坐，你欲留什物型，我講總剃中間欲留一撮無剃，安爾，伊講這個時陣，那有留這個型，我講，有！就是欲留，伊一直問我，為什物你之中央沒使剃，我講那是予我們師父剃之，因為我欲出家，師父會使給我刮掉，安爾著對，你沒使給我剃中央，結果伊著給我剃剃了後，我講外濟錢，伊講毋免錢，我講為什物，伊講你欲出家，我給你恭喜，毋免錢。
後來我走去大殿，我們師父就來，來來，金刀剃下娘生髮，除卻塵勞不淨身，圓頂方袍僧相現，法王座下大丈夫。就給我刮三下，中央這兒刮刮，好！好好兒出家，物件給我款款，我欲轉去新加坡，好好用功，加認真讀冊。
(初次以台語文字完稿 ,歡迎指正 ,信箱:omedfer2329@gmail.com)
留言列表
